साझाकथा काठमाडौँ । भारतस्थित नेपाली दूतावासले भारतको उडिसा राज्यस्थित किटमा अध्ययनरत नेपाली विद्यार्थी प्रिसा साहको मृत्युबारे त्यहाँको विश्वविद्यालयसँग जानकारी लिएको छ । शुक्रबार बिहान किटका प्रतिनिधिलाई दूतावासमै बोलाएर छलफल गरिएको दूतावासले विज्ञप्ति जारी गरेर जानकारी गराएको छ । किटमा स्नातक तह प्रथम वर्षमा अध्ययनरत १८ वर्षीय नेपाली विद्यार्थी प्रिसा साहको शव होस्टेलको कोठामा झुन्डिएको अवस्थामा फेला परेका थियो ।
विज्ञप्तिमा भनिएको छ– ‘नेपाली दूतावासले सो शैक्षिक संस्थाका प्रतिनिधिहरू, प्रहरी अधिकारीहरू, विदेश मन्त्रालयका अधिकृतलगायत अन्य सरोकारवालाहरूसँग तत्काल सम्पर्क तथा छलफल गरी घटनाको बारेमा जानकारी लिई सो घटनाको स्वतन्त्र एवं निष्पक्ष तवरले अनुसन्धान हुन तथा शैक्षिक संस्थामा अध्ययनरत सम्पूर्ण नेपाली विद्यार्थीहरूको सुरक्षाको प्रत्याभूति हुन जोड दिएको थियो ।
