काठमाडौं
उड्ने कारको परिकल्पना भएको धेरै वर्ष अगाडि हो । सहरी क्षेत्रमा बढ्दो ट्राफिक जामले गर्दा जोकोहीलाई पनि उडेर गन्तव्यमा पुग्ने रहरकै कारण यसको परिकल्पना भएको हो ।
मानिसले सोचेका र पालेका यस्तै इच्छालाई परिपूर्ति गर्नका लागि धेरै वटा कम्पनीहरुले उड्ने मोटरसाइकल र कारको प्रोटोटाइप देखाइसकेका छन् । यही क्रममा चीनमा पहिलो पटक इलेक्ट्रीक उड्ने कारको सफल परिक्षण भएको छ ।
चीनको स्टार्टअप अटोमोवाइल कम्पनी एक्सपेङले आफ्नो उड्ने कारको पहिलो परिक्षण उडान भरेको छ । न्यू इनर्जी अटोमोवाइल कम्पनीले उड्ने कार विकासका लागि एक्सपेङ एचटी नामक नयाँ कम्पनी स्थापना गरेको छ ।
मानिसले सोचेका र पालेका यस्तै इच्छालाई परिपूर्ति गर्नका लागि धेरै वटा कम्पनीहरुले उड्ने मोटरसाइकल र कारको प्रोटोटाइप देखाइसकेका छन् । यही क्रममा चीनमा पहिलो पटक इलेक्ट्रीक उड्ने कारको सफल परिक्षण भएको छ ।
कम्पनीले इलेक्ट्रीक भर्टिकल टेकअप तथा ल्याण्डिङ (इभीटीओएल) भेहिकलको पहिलो उडानको भिडियो सेयर गरेको छ ।
सार्वजनिक भएको भिडियोमा देखाइए अनुसार कार ग्यारेजबाट गुडेर बाहिर निस्कन्छ । यसको छतमा आठवटा ठूलो साइजको रोटर रहेको छ, यसैको सहायताले करिब २ मेट्रिक टन ओजन भएको कारलाई जुरुक्कै उचालेर उडेको देख्न सकिन्छ ।
ठूलो साइजको ड्रोन जस्तो देखिने यो उड्ने कार सडकमा गुडाएजस्तै जस्तै आकाशमा स्टेरिङ ह्वीलले नै आफ्नो डिरेक्सनमा चलाउनु पर्ने हुन्छ । यसलाई अगाडि पछाडि तल वा माथि लानलाई भने दाहिने हातमा भएको लिभरको प्रयोग गर्नु पर्ने हुन्छ ।
एक्सपेङले प्रोटोटाइप उड्ने कारको पहिलो उडान गरेता पनि यसको उत्पादनको केही जानकारी दिएको छैन । दुई टन तौल भएको कारलाई उडाउन र लामो रेन्जको यात्रा गर्न ब्याट्री कति क्षमताको र कत्रो प्रयोग गर्नु पर्ने हो अनुसन्धाकै क्रममा रहेको कम्पनीको भनाई छ ।
पहिलो इलेक्ट्रीक उड्ने कार बनाएर देखाएसँगै एक्सपेङले ईभीमा अब उड्ने र गुड्ने दुबै प्रयोग गर्न मिल्ने कार निर्माताको ताज हासिल गरेको छ ।
मेराेअटाेबाट