सोलुखुम्बु, मंसिर ३
सोलुखुम्बुको खुम्बु पासाङ ल्हामु गाउँपालिका ४ स्थित पाङबोचे मतदान स्थल जिल्लाकै सबैभन्दा उच्च स्थानको मतदान केन्द्रमा परेको छ ।
मंसिर ४ गते हुने निर्वाचनका लागि पाङबोचे आधारभूत विद्यालयमा रहेको मतदान केन्द्र करिब ४ हजार मिटरको उचाईमा रहेको मुख्य निर्वाचन अधिकृतको कार्यालयले जनाएको छ ।
यो मतदान केन्द्रमा ३८४ जना मतदाता छन् भने मतदान अधिकृतसहित ८ जना कर्मचारी खटिएका छन् । उक्त स्थलमा मतदान अधिकृतको रुपमा खुम्जुङ माध्यमिक विद्यालयका प्रधानाध्यापक ङवाङ दोर्जी वाईनङ (एनडी राई) खटिएका छन् ।
कर्मचारी मतदान केन्द्र पुगेर आवश्यक तयारीको काम गरिरहेको सहायक निर्वाचन अधिकृत नगेन्द्र कुमार कालाखेतीले जानकारी दिए । उच्च स्थान भएकाले पानी जम्ने लगायत विभिन्न चुनौतीका विच व्यवस्थापनको काम गरिरहेको मतदान अधिकृत ङवाङ दोर्जी वाईनङ (एनडी राई) ले बताए ।
अन्नपूर्ण पाेस्ट्बाट