काठमाडौं, पुस २७
प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच भेटवार्ता भएको छ ।
गोरखामा महोत्सव उद्घाटन गरेर फर्केपछि नेकपा माओवादी केन्द्रका अध्यक्षसमेत रहनुभएका प्रधानमन्त्री दाहाल एमाले अध्यक्ष ओलीलाई भेट्न उनको निवास बालकोट पुगेका थिए ।
अहिले दुई शीर्ष नेताबीच भेटवार्ता भइरहेको छ । मन्त्रिपरिषद् विस्तारलगायत समसामयिक विषयमा छलफल भएको प्रधानमन्त्रीको सचिवालयले जनाएको छ ।
प्रधानमन्त्री दाहालले मङ्गलबार संसद्बाट विश्वासको मत पाएपछि आज अध्यक्ष ओलीसँग भेट गरेका हुन् ।
तपाईलाई केहि भन्नु छ ?