साझाकथा संवाददाता
हेटाैंडा, पुस २९
बागमती प्रदेश सभाको सभामुखमा राप्रपाका भुवनकुमार पाठक निर्वाचित भए ।
प्रदेश सभामा आज भएको मतदानमा राष्ट्रिय प्रजातन्त्र पार्टी (राप्रपा)का तर्फबाट उम्मेदवार बनेका पाठक सभामुख पदमा निर्वाचित भएका हुन् । उनले ६२ मत प्राप्त गर्नुभएको प्रदेशसभाका ज्येष्ठ सदस्य रामप्रसाद ढुङ्गानाले जानकारी दिए ।
उनका प्रतिस्पर्धी नेपाली कांग्रेसका शिवराज अधिकारीले ३६ मत प्राप्त गरे भने नेपाल मजदुर किसान पार्टीकी सिर्जना सैजुले तीन मत प्राप्त गरिन् । बैठकमा कूल एक सय १० सदस्यमध्ये एक सय नौ सदस्य उपस्थित रहेका थिए ।
तपाईलाई केहि भन्नु छ ?