सशस्त्र प्रहरीको इन्सपेक्टर, असईसहित विभिन्न पदमा भर्ना खुल्यो

साझा कथा । सशस्त्र प्रहरी बललले अधिकृतसहित विभिन्न पदमा भर्ना खोलेको छ । सशस्त्र प्रहरी बलले सशस्त्र प्रहरी निरीक्षक (इन्सपेक्टर)सहित विभिन्न पदमा २८८ जना कर्मचारी माग गरेको हो ।

सशस्त्र प्रहरीले इन्सपेक्टर ९९ जना माग गरेको छ । यस्तै, सहायक निरीक्षक (असई) ९८ जना, परिचर (भान्से) ६५ जना माग गरेको छ । यस्तै, कुचिकार १० जना, सूचिकार ४ जना, केशकर्तक ४ जना, चर्मकर्मी ५ जना र माली ३ जना माग गरेको छ । सशस्त्र प्रहरीद्वारा माग भएका पदमा योग्यता पुगेका नेपाली नागरिकले पुस २० गते, शुक्रबारदेखि माघ २१ गतेसम्म आवेदन दिन पाउनेछन् । यस्तै, दोब्बर दस्तुर बुझाएर माघ २८ गतेसम्म आवेदन दिन सकिनेछ ।