साझा कथा । आईसीसी क्रिकेट विश्वकप लिग २ अन्तर्गत आज भएको खेलमा नेपालसामु नेदरल्याण्ड निरीह बन्न पुग्यो । त्रिवि क्रिकेट मैदानमा भएको खेलमा नेपालले नेदरल्याण्डसमाथि ९ विकेटको जित हात पर्यो ।
जस जितेर पहिले फिल्डिङ रोजेको नेपालका लागि नेदरल्याण्डसले ३९ ओभरमा सबै विकेट गुमाउँदै १३८ रनको सामान्य लक्ष्य दिएको थियो । सुरुवातीदेखि नै आक्रामक रुपमा ब्याटिङ गरेको नेपालले केवल १५ दशमलव २ ओभरमा एक विकेटको क्षतिमा लक्ष्य पूरा गर्यो । जसमा नेपालका लागि अनिलकुमार साहले नटआउट सर्वाधिक ५७ रन जोडे भने आसिफ सेखले नटआउट ५४ रन र कुशल भुर्तेलले २८ रनको योगदान गरे ।
उता, नेदरल्याण्ड्सलाई अल आउट गर्ने क्रममा कुशल भुर्तेलले ४ विकेट लिए भने ललित राजवंशीले २ विकेट लिए । सोमपाल कामी र रोहितकुमार पौडेलले समान १÷१ विकेट लिए । नेदरल्याण्ड्सका २ ब्याटर रन आउट भए ।
यसअघि कीर्तिपुर मैदानमा भएको लिग टु को पहिलो खेलमा भने नेपाल नामिबियासँग पराजित हुन पुग्यो ।
फोटो सौजन्यः क्यान