टी–२० सिरिजको मंगलबार हङकङमा जारी खेलमा पपुवा न्युगिनीबिरुद्ध नेपालले १७२ रनको लक्ष्य पाएको छ । टस हारी पहिले ब्याटिङको निम्तो पाएको पीएनजीले निर्धारित २० ओभरमा ८ विकेटको क्षतीमन १ सय ७१ रन बनाएको हो ।
पीएनजीका लागि ओपनर ब्याट्सम्यान टोनी उराले सर्बाधिक ६१ रन जोडे भने एली नाओले अविजित ३० रन बनाए ।
नेपाली टोलीका बलर कुशल भुर्तेल र आकाश चन्दले समान ३–३ विकेट लिए । कुशलले चार ओभरमा २४ रन र आकाशले चार ओभरमा ४१ रन खर्चिए । करण केसी र गुलसन झाले पनि समान १–१ विकेट लिए । पीएनजीको पहिलो विकेट करण केसीले लिएका थिए ।
